Astaghfirullooh robbal barooya…
Astaghfirulloh minal khotooya…
Robbii zidnii `ilman naafii’a…
Wawaaffiknii `amalan sooliha…
Yarosulallooh salammun ’alaik…
Yaa rofi ’asaa aniwad daaroji…
`atfata yajii rotall `aalami…
Yauhailaljuu diwaal karoomi…2x
Ngawiti ingsun nglaras syi’iran
Kelawan muji maring pengeran
Kang paring rohmat lan kenikmatan
Rino wengine tanpo pitungan 2X
Duh bolo konco priyo wanito
Ojo mung ngaji syare’at bloko
Gur pinter ndongeng nulis lan moco
Tembe mburine bakal sangsoro 2X
Akeh kang apal Qur’an haditse
Seneng ngafirke marang liyane
Kafire dewe dak digate’ke
Yen isih kotor ati akale 2X
Gampang kabujuk nafsu angkoro
Ing pepaese gebyare ndunyo
Iri lan meri sugihe tonggo
Mulo atine peteng lan nisto 2X
Ayo sedulur jo nglaleake
Wajibe ngaji sak pranatane
Nggo ngandelake iman tauhite
Baguse sangu mulyo matine 2X
Kang aran sholeh bagus atine
Kerono mapan seri ngelmune
Laku thoriqot lan ma’rifate
Ugo hakekot manjing rasane 2 X
Alquran qodim wahyu minulyo
Tanpo tinulis biso diwoco
Iku wejangan guru waskito
Den tancepake ing jero dodo 2X
Kumantil ati lan pikiran
Mrasuk ing badan kabeh jeroan
Mu’jizat rosul dadi pedoman
Minongko dalan manjinge iman 2 X
Kelawan Alloh kang moho suci
Kudu rangkulan rino lan wengi
Ditirakati diriyadhohi
Dzikir lan suluk jo nganti lali 2X
Uripe ayem rumongso aman
Dununge roso tondo yen iman
Sabar narimo najan pas-pasan
Kabeh tinakdir saking pengeran 2X
Kelawan konco dulur lan tonggo
Kang podho rukun podho trapsilo
Iku sunnahe Rasul kang mulyo
Nabi Muhammad Panutan Kito 2X
Ayo nglakoni sekabehane
Allah kang bakal ngangkat drajate
Senajan ashor toto dhohire
Ananging mulyo maqom drajate 2X
Lamun palastro ing pungkasane
Ora kesasar roh lan sukmane
Den gadang Allah swargo manggone
Utuh mayite ugo ulese 2X
Yarosulallooh salammun ’alaik…
Yaarofi ’asaa niwad daarojii…
`atfatayaji rotall `aalaamii…
Yauuhailaljuu diwalkaaromii…
Tidak ada komentar:
Posting Komentar